ഒരു അമേരിക്കൻ ബഹുരാഷ്ട്ര ഫാർമസ്യൂട്ടിക്കൽ കമ്പനിയാണ് ഫൈസർ ന്യൂയോർക്ക് നഗരത്തിലെ മാൻഹട്ടനിൽ, 42 ആം സ്ട്രീറ്റ് ൽ ആണ് ഇതിന്റെ ആസ്ഥാനം. അതിന്റെ സഹസ്ഥാപകനായ ചാൾസ് ഫൈസറിന്റെ പേരാണ് കമ്പനിക്ക് നൽകിയിരിക്കുന്നത്. രോഗപ്രതിരോധശാസ്ത്രം, ഓങ്കോളജി, കാർഡിയോളജി, എൻ‌ഡോക്രൈനോളജി, ന്യൂറോളജി എന്നിവയ്ക്കുള്ള മരുന്നുകളും വാക്സിനുകളും ഫൈസർ വികസിപ്പിക്കുകയും ഉത്പാദിപ്പിക്കുകയും ചെയ്യുന്നു. ഓരോന്നിനും US$1 ബില്യൺ വാർഷിക വരുമാനം ഉള്ള നിരവധി ബ്ലോക്ക്ബസ്റ്റർ മരുന്നുകളോ ഉൽപ്പന്നങ്ങളോ ഫൈസറിന് ഉണ്ട്. 2020 ൽ കമ്പനിയുടെ വരുമാനത്തിന്റെ 52% അമേരിക്കയിൽ നിന്നും 6% ചൈനയിൽ നിന്നും ജപ്പാനിൽ നിന്നും 36% മറ്റ് രാജ്യങ്ങളിൽ നിന്നുമാണ് ലഭിച്ചത്. ഫോർച്യൂൺ 500 പട്ടികയിൽ കമ്പനി 64 ആം സ്ഥാനത്തും ഫോബ്‌സ് ഗ്ലോബൽ 2000 ൽ 49 ആം സ്ഥാനത്തുമാണ്. 2004 മുതൽ 2020 ഓഗസ്റ്റ് വരെ ഡൗ ജോൺസ് വ്യാവസായിക ശരാശരി സ്റ്റോക്ക് മാർക്കറ്റ് സൂചികയിലെ ഒരു ഘടകമായിരുന്നു ഫൈസർ. Wikipedia