სოსიეტე ჟენერალი — ევროპის ერთ-ერთი წამყვანი საფინანსო კომპანია, რომელსაც ასევე შვილობილი კომპანიები ჰყავს მსოფლიოს მრავალ ქვეყანაში. კომპანიის შტაბ-ბინა მდებარეობს პარიზში, ლა-დეფანსის ბიზნეს უბანში. კომპანიის სამი წამყვანი განყოფილებაა ინდივიდუალური ბანკინგი და სპეციალიზებული საფინანსო მომსახურება, კორპორაციული და საინვესტიციო ბანკინგი და გლობალური ინვესტიციების მართვა და მომსახურება. სოსიეტე ჟენერალი საფრანგეთის ერთ-ერთი უძველესი ბანკია. მისი თავდაპირველი სახელი იყო Société Générale pour favoriser le développement du commerce et de l'industrie en France. საერთაშორისო საფინანსო სამყაროში კომპანიას მეტსახელად სოცგენ-ს უწოდებენ. 2006 წლის სექტემბერში სოსიეტე ჟენერალმა ქართული ბანკი რესპუბლიკის აქციების 60% პროცენტი შეისყიდა, რომელსაც ამ დროისთვის საქართველოში 21 ფილიალი და 74 000 კლიენტი ჰყავდა. Wikipedia