ဘာ့ခ်ရှိုင်းယား ဟတ်သဝေး သည် အမေရိကန်ပြည်ထောင်စုရှိ နိုင်ငံတကာအခြေစိုက် လုပ်ငန်းစုံ ဦးပိုင်ကုမ္ပဏီ တစ်ခုဖြစ်ပြီး နီဘရားစကားပြည်နယ်၊ အိုမားဟားမြို့တွင် ရုံးချုပ်တည်ရှိသည်။ ထိုကုမ္ပဏီသည် ဂေကို၊ ဒိုင်ရီကွင်း၊ ဘီအင်န်အက်စ်အက်ဖ် ရထားလုပ်ငန်း၊ လူဘရီဇို၊ ဖရုအော့ဖ်သည် လွန်း ၊ ဟဲလ်ဇဘတ် စိန်လုပ်ငန်း၊ လောင်းအင်န်ဖော်စတာ၊ ဖလိုက် ဆေ့ဖတီး အင်တာနေရှင်နယ်၊ ပန်းပါးရှက်ဖ် နှင့် နက်ဂျက် ကုမ္ပဏီတို့ကို ပိုင်ဆိုင်ပြီး ပိုင်းလော့ ဖလိုင်းယင်း ဂျေ ကုမ္ပဏီ၏ ၃၈.၆% ၊ ခရက်ဖ်ဟိန်းဇ် ကုမ္ပဏီ၏ ၂၆.၇% တို့ကို ပိုင်ဆိုင်ပြီး အမေရိကန် အိတ်စပရက်စ် တွင် ၁၇.၆% ၊ ဝဲလ်ဖာဂိုတွင် ၉.၉%၊ ကိုကာကိုလာကုမ္ပဏီတွင် ၉.၄% ၊ အမေရိကားဘဏ် တွင် ၆.၈% နှင့် အက်ပဲ တွင် ၅% မျှသော အနည်းငယ်ရှယ်ယာများကို ပိုင်ဆိုင်ထားသည်။ ၂၀၁၆ ခုနှစ်မှ စ၍ ကုမ္ပဏီသည် အမေရိကန်ရှိ အဓိက လေကြောင်းလိုင်းများ၏ ရှယ်ယာများကို ဝယ်ယူခဲ့ပြီး ယခုအခါတွင် ယူနိုက်တက် လေကြောင်းလိုင်း နှင့် ဒယ်လ်တာ လေကြောင်းလိုင်း တို့တွင် အများဆုံး ရှယ်ယာပိုင်ဆိုင်သူ အဖြစ်လည်းကောင်း ဆောက်ဝက်စ် လေကြောင်းလိုင်း၊ အမေရိကန် လေကြောင်းလိုင်းတို့တွင် ထိပ်ဆုံး ရှယ်ယာပိုင်ဆိုင်သူ ၃ ဦး စာရင်းဝင် အဖြစ်လည်းကောင်း ရှိနေသည်။ Wikipedia