ఇండియన్ ఆయిల్ కార్పొరేషన్ లిమిటెడ్, అనేది భారత ప్రభుత్వంలోని పెట్రోలియం, సహజ వాయువు మంత్రిత్వ శాఖ యాజమాన్యంలోని కేంద్ర ప్రభుత్వ రంగ సంస్థ. న్యూ ఢిల్లీ దీని ప్రధాన కార్యాలయం ఉంది. దీని కార్యకలాపాలను పెట్రోలియం, సహజ వాయువు మంత్రిత్వ శాఖ పర్యవేక్షిస్తుంది. 2022 నాటికి ప్రపంచంలోని అతిపెద్ద సంస్థల ఫార్చ్యూన్ గ్లోబల్ 500 జాబితాలో ఇండియన్ ఆయిల్ 142వ స్థానంలో నిలిచింది. 2020-21 ఆర్థిక సంవత్సరానికి $6.1 బిలియన్ల నికర లాభంతో దేశంలోనే అతిపెద్ద ప్రభుత్వ యాజమాన్యంలోని చమురు ఉత్పత్తిదారు మొదటిస్థానం సంపాదించింది. 2021 మార్చి 31 నాటికి ఇండియన్ ఆయిల్ ఉద్యోగుల సంఖ్య 31,648, వీరిలో 17,762 మంది ఎగ్జిక్యూటివ్‌లు, 13,876 మంది నాన్ ఎగ్జిక్యూటివ్‌లు కాగా, 2,775 మంది మహిళలు, మొత్తం వర్క్‌ఫోర్స్‌లో 8.77% ఉన్నారు. ఇండియన్ ఆయిల్ కార్పొరేషన్ కింద రిఫైనింగ్, పైప్‌లైన్ రవాణా, పెట్రోలియం ఉత్పత్తుల మార్కెటింగ్, ముడి చమురు, సహజ వాయువు, పెట్రోకెమికల్స్ శోధన, ఉత్పత్తి ఉన్నాయి. ఇండియన్ ఆయిల్ ప్రత్యామ్నాయ శక్తి, దిగువ కార్యకలాపాల ప్రపంచీకరణలోకి ప్రవేశించింది. దీనికి శ్రీలంక, మారిషస్, మిడిల్ ఈస్ట్ లో అనుబంధ సంస్థలు ఉన్నాయి. Wikipedia